Newroza merkezî ya Almanya ewro Frankfurt de yena kerdene. Newroza emserî çarçewaya  hemleya Abdullah Ocalanî rê azadîye, meseleya kurdan rê çareserîya sîyasîye de bi şîarê “Newroz Azadî ye, Azadiya Te Azadiya Me ye” ameye kerdene.

Şayîya Newroze ya  ke hetê KON-MED û fedarasyonanê pabesteyanê ci ra ameye organîzekerdene  bajaranê cîya cîyayan ê Almanya ra şar xeylêk kesî tewrê ci bîyî.  Şarî   warê Newroze bi def û zûrna û muzîkî govende girewte.

Warê Newroze ra sloganê sey  “Bijî Serok Apo", "Be Serok Jiyan Nabe", "Em kine Apoci ne", "Zap Metina Avaşin Biji Berxwedana Gerila" û Jin Jiyan Azadi” bîyî berz.

Şayîye de mesajê KCKyî ameye wendene. KCK mesajê xo de vat, ''Ma şima bi germayîya adirê Newroze selam kenê û Newroza şima Pîroz kenê. Ganî ma Serra 2024î bikerê serra serkewtişî. Ma Serra 20424î sey serra seferberîye genê dest û wina nêzdîyê ci benê. Ganî şarê ma û dostê ma zî wina bîgêrê dest û goreyê nê têkoşînî xurt bikerê. Hemleya azadîye ma ra wina yew tewir û tewrbîyayîş pawena. Ma pê bawerê  ke ma wina pêro pîya eşkenê ser bikewê.''

Gama ke mesejê KCKyî ame wendene meydanê Newroze yê Frankfurtî slogan  'Bijî Serok Apo' bîye berz.

Warê Newroze gerîlayî ameyî selamkerdene ke vera SÎHAyan teknîko newe şuxulna.