Çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de Fransa de Rayraşîyayîşo Derg yeno kerdene. Semedê balantişê serê tecrîdê 26 serran ê serê Rayber Apoyî  26 kesî, bajaranê cîyayan ê Fransa ra do 26 bajaran de 26 rojî rayra şirê.

Bajarê Lorientî de bi eşkerayîya çapemenîye rayraşîyayîş ame destpêkerdene.

Hemsereka KCDK-E Zubeyde Zumrut eşkerayîye de qisey kerd û nê vatî: ''Ma prosesêkê tarîxî ra ravêrenê. Wext wextê girdkerdişê têkoşînî yo. Rayber Apo hem rayberê şarê kurdî hem rayberê heme şaranê bindestan o. Mîramê Şorişê Rojawanî yo. Rojawan de serkêşîya cinîyan de şorişêk qewimîya û cinîyan ê kurdan barbarê DAÎŞî bin fînayî. Ewro zî dewleta tirke seba ke Rojawan de felsefeya azadîye  ya cinîyan werte ra wedaro polîtîkayanê qirkerdişî ana ca. Ma veng danê rayrapêroyîya mîyanneteweyîyî ke wa vera hêrişanê dewleta tirke bêveng memano. Wa şarê ma û dostê ma tewrê na çalakîye bibê.''

Badê eşkerayîya çapemenîye rayraşîyayîş bi tewrbîyayîşê dostan dest pêkerd. Rayraşîyayîş do 15ê sibate de Starsbourg de bi mîtîngêk biqedîyo.