Vizêr polîsanê Fransa xeylêk adresan de eşt keye û komeleyanê kurdan ser. Partîya Komunîste ya Fransa vera serebûtan bi eşkerayîyêka nuştekî nêrazîbîyayîşê xo mojna.

Partî ard ziwan ke Macron wazeno pê hêrişê vera kurdan têkilîyanê bi Erdoganî normalîze bikero û kurdanê Fransa çin hesibneno. Partîya Komunîste dewaya qefilnayîşê HDPyî vist vîrî û pare kerd ke nê prosesî de nê operasyonê teda nîyetan eşkera kenê û bi nê hawayî Fransa kredî dana Erdoganî.

Partîya Komunîste vat: ''Ma nê operasyonanê vera kurdanê Fransa bi xurtî şermezar kenê. Nê aktîvîstî wa cade bêrê veradayene û no proses bêro qedînayene. Ganî nêro vîrakerdene ke welatê Ewropa û Fransa deyndarê kurdan ê. Pawitişê demokrasî pê şerê vera rejîmê Erdoganî û paştdayîşê kurdan beno.''