Fransa û Norveç de protestoyê 9ê teşrîna verêne

Herêma Normandîya û komunê Marîgnanî yê Fransa û paytaxtê Norveçî Oslo de çalakîyê protestokerdişî yê Komploya Mîyanneteweyî ya 9ê teşrîna verêne û tecrîdî ameyî viraştene.

Serrgêra Komploya Mîyanneteweyî ya 9ê teşrîna verêne ke vera Rayberê Şarê Kurdî Abdullah Ocalanî de amebi viraştene, Ewropa de çalakîyê protestokerdişî ameyî viraştene.

Herêma Normandîya û komunê Marîgnan yê Fransa û paytaxtê Norveçî Oslo de çalakîyê protestokerdişî yê Komploya Mîyanneteweyî ya 9ê teşrîna verêne û tecrîdî ameyî viraştene.

Herêma Normandîya de rayberîya Tevgerê Cinîyan yê Kurdan de bi rayîrraşîyayîşêk komplo ame protesto kerdene.

Çalakîye de koploya piya tecrîd û qerarê Mehkemaya Heqê Merdiman ya Ewropa zî ame şermezar kerdene.

Bi eynî waştişî çalakîyêk zî bajarê Marsîlya ya Fransa de ameye viraştene. Rayberîya Ciwanên Azadî de gencê kurdan vejîyayî kuçeyan û bi rayîrraşîyayîşêk komplo û tecrîd protesto kerdî. Çalakvanan waştişê azadîya Ocalanî arde ziwan û bêvengîya Ewropa zî şermezar kerd.

Paytaxtê Norveçî Oslo de zî bi rayîrraşîyayîşêk komloyê 9ê teşrîna verêne ame protesto kerdene.

Çalakîye ke dostê kurdan û Komela Somali Landî paştî da ci, çalakvanan azadîya Ocalanî waşt.