Vervatoxê QSDyî Kîno Gabrîalî hêrişê dewleta tirke ya îşxalkere yê vera Eyn Îsayî ercnayî. Gabrîalî îfade kerd ke dewleta tirke wazena waranê neweyan bivisna destî la şerwanê QSDyî planê îşxalkeran pûç kerdî.

Gabrîalî da zanayene ke Rûsya û Amerîka vera hêrişanê dewleta tirke bêveng ê û vat: ''Na rewşe newe nîya û ma serranê şerî de na rewşe tim dîye. Ma sey hêzanê QSDyî girêdayîyê adirbirnayîş û peymanan ê. Ganî hêzê bînî yê ke îmza dayî binê peymanan vera hêrişan bêveng nêmanê.''

Kîno Gabrîalî derheqê îdîaya ke ke vanê Eyn Îsa rejîmê Sûrîye rê do bêro teslîmkerdene de qisey kerd vat: '' Ma 9ê teşrîna verêne de peymanêke îmza kerde û goreyê na peymane 3 noqtayê çimdarîye ronîyayî. La îdîaya teslîmkerdişê Eyn Îsayî raşt nîya, çîyo winasên çin o. Xora eke bibîyêne ma do şarê xo reyde pare kerdêne.''

Kîno Gabrîalî peynîya qiseykerdişê xo de vat ke gefê dewleta tirke yê vera herême dewam kenê û ê do çarçewa xopawitişê meşrûyî de cewabê hêrişan do bidê.