Namzeda Şaredarîya Dêrikî ya DEM Partî Songule Ozbahçeçî derheqê xebatanê înan ê weçînayîşan de ANFyî rê qisey kerd.

Songule ard ziwan ke Dêrik de texrîbatê qeyûman pîl o û vera cinî û ciwanan polîtîkayê  taybetî yenê kerdene. Songule vat: ''Xeylêk projeyê embazanê ma bi tayînê qeyûman nêmcet mendî. Ma do şaredarîyanê xo apey bigêrê. Ma bi bawerî û bi hîsê paştdayîşî ganî ê şaristananê xo bikerê waranê cuye.

Ma do seba ciwanan, cinîyan û her kesî projeyan bikerê ke wa her kes xo aîdê tîyayî hîs bikero. Şar her kombîyayîş û xebate de eleqeyêkê pîlî mojneno ma. Şar raşta zî bi kêfweşî û coşêkê pîlî ma pêşwazî keno. No eleqeyê şarî seba ma zî zaf girîng o. Ma şorê kamca cewabanê pozîtîfan gênê. Şarê ma wazeno ke şaristanî qeyûman ra bixelisno û bi temsîlkaranê şarî îdare bikero.''