Wekîla DEM Partî ya Şirnexî Newroze Uysal Aslan derheqê rewşa Rayberê Şarê Kurdî Abdullah Ocalan, Veysî Aktaş, Omer Hayri Konar û Hamili Yidiridî de yê ke Zîndanê Îmraliyî de yenê tepişten eû 43 mengî yo înan ra xebere nîna girewtene, muracatê Komîsyonê Cipersayîşî yê Heqanê Merdiman ê Meclîsî kerd.

Muracatî de nê ameyî vatene: ''Birêz Ocalano ke muxatabê meseleya kurdan o û hêzê çareserîye yo tewr peynî 25ê adara 2021 de tira xebere ameye girewtene. Abdullah Ocalanî çend deqeyî telefon de birayê xo Mehmet Ocalanî dir qisey kerd. Abdullah Ocalanî tewr peynî de 7ê tebaxa 2019î de avûtanê xo reyde pêvînayîş kerd. Caardişo winayên qet cayêkê bînî yê dinya de çîn o. Heme muracatê pêvînayîşî yê avûkatan û keyeyî bi sebebê cezaya dîsîplînî yenê redkerdene.  Komîteya Vergirewtişê Îşkenceyî ya Ewropa (CPT) zî raporê xo yê 5ê tebaxa 2020 de vat tecrîdê Îmraliyî goreyê qanûnî nîyo û nîno qebulkerdene.

Avûkatanê Birêz Ocalanî 2022 de tecrîdê Îmraliyî kirişt Komîteya Heqanê Merdiman a Neteweyanê Yewbîyeyan. Komîte qerarê tedbîrî girewt û vat ganî pêvînayîşê avûkatan cade bêro kerdene. La dewlete û hukmatî qerarê komîte nêard ca û herinda nê de bi qeraranê keyfîyan pêvînayîşê keyeyan û avûkan qedexe kerdî û wina cewab da.  Eke îşkence û muameleyo xirab ê Zîndanê Îmraliyî yê 25 serran biqedîyo Tirkîya de haştîya mendî eşkena bêro tesîskerdene.  Coka ganî komîsyonê şima semedê wedaritişê tecrîdê Îmraliyî wezîfeyê xo bîyaro ca.''