Cumalî Yildirimo 29 serre wexto ke Kirşehîr de zanîngeh de wendekar bi tepişîya û ci rê cezaya zîndanî ya 9 serran û 6 mengan dîyaye. Yildirim Zîndanê Afyonî de seba ke cigêrayîşo rût qebul nêkerdo gardîyanan ci rê gef wendo.

Yildirim 28ê kanûne de pê telefonî keyeyê xo de qisey kerd û înan rê qala binpaykerdişê heqan kerde.

Waya Yildirimî Hacere Yildirim îfade kerd ke asayîşê ganê ey çin o û vat ''Birayê mi seba ke hûmaritişê payanserî û cigêrayîşo rût qebul nêkerdo gardîyanan o eşt hucreyê yewkesî, ci rê gef wend û vat 'Ma tîya de to bikerê merdim. Ti zanenî tîya halina îşkenceyî ya? Tîya de qayîdeyê ma derbaz benê, ma do to çin bikerê. Heqê to çin o. Edalet esto ke wa heqê to bibo.' Birayê mi vat gardîyanî wazenê ey bikişê. Afyon de tim îşkence esto. Birayê mi vat 'Eke çîyêk bêro sereyê mi ser mesuldar zîndan o.' Ma do gerreyê îdareyê zîndanî bikerê. Wa hînî nê îşkenceyî biqedê.''

Hacere muracatê Şubeyê Mersînî yê Komeleya Heqanê Merdiman (ÎHD) kerd û hetkarîya huqûqîye waşte.