Hetkarê Hemserekanê HDPyî yê Komîsyonê Ekonomî ra Berpirsîyar Garo Paylanî 'Kombîyayîşê Budçe' yê partîya xo ANFyî rê ercnayî.

Paylanî ard ziwan ke budçe bi hawayêkê cîyakerî terefgîranê îqtîdarî û rantgîran rê yena vilakerdene û vat: ''Qesre pê budçeya şarî terefgîranê xo, merdimanê xo keno zengîn. Ma terefgîrê budçeya şarî yê. Kombîyayîşanê Budçe Agirî de dest pêkerd û Îstanbul de dewam kenê. Ma pê nê kombîyayîşan armanc kenê ke goş bidê waştişanê şarî û goreyê nînan budçeyêke amade bikerê. Semedo ke nê waştişî qanûnê budçe de bêrê caardene ma do têkoşînê xo Meclîs de pîl bikerê.

Budçe bacan ra yena meydan. Nê bacî şarê xizanî ra gêrîyenê. AKPyî semedo ke hemkaranê xo zengîn bikero pê bacan şar xizan keno. Ganî hewcedarîyê bingeyî ceyran, awe, gazo tabî û înternet bêpere bê. ''

Gaylanî îfade kerd ke ê sey HDPyî semedê waştişanê şarî yê serê budçe do têkoşîn bikerê: ''Ma kombîyayîşanê budçe de venga şarê xo, rêxistinanê komelê sivîlî û sendîkayan danê ke pîya têkoşîn bikerê. Wextê ci ameyo ke ma semedê şarê xo budçe amade bikerê û şarî reyde semedê caardişê na budçe têkoşîn bikerê. ''