Gerîlayanê HPGyî Xebat Med û Delîl Demhatî derheqê Komployê Mîyanneteweyîyî  yê 15ê Sibate de ANFyî rê qisey kerd.

Xebat Medî ard ziwan ke 15ê sibate semedê şarê kurdî rojêka tarî ya û nê vatî: ''Her serre hêrsê şarê ma yê welatperwerî û ma mîlîtananê nê têgêrayîşî û fedayîyanê Rayber Apoyî vera nê komployî zafêr beno. Nê şarî qerarê xo dayo; Ma do bi Rayberîya xo biciwîyê! Çew nêeşkeno verê nê bigîro. Rayberîye bi têkoşînê xo dinya girewt vera xo. Rayber Apoyî her çîya ver Kurdîstan de şar kerd zanaye. Ewro Rayberîye têna rayberê şarê kurdî nê, rayberê heme şaranê bindestan o. Hêzanê kapîtalîstan seba ke Rayber Apo sey tehdîtê girdî vîna, kerd ke bi kopmloyî verê ci bigîrê. Rayberîye îradeyê şaran temsîl keno. Şexsê ê de ma pêro Îmrali de yê. Azadîya Rayber Apoyî azadîya ma ya.  Ma hêna soz danê kem a do gonîya şehîdanê xo erdî de meverdê û Rayberîya xo reyde biciwîyê.''

Delîl Demhat şehîdê şorişgî yed kerdî û nê vatî: ''Rayber Apo mîmarê azadîye û estbîyayîşê ma yo. Çunke şarê kurdî vera nê têkoşînî amebi nuqtaya çînkerdişî.  Felsefeya Rayber Apoyî semedê şarê kurdî, Rojhelatê Mîyanênî û merdimîye bîye hêvîya azadîye. Coka waştişê hêzanê komplokeran nêame ca. Rayber Apoyî bitaybetî bi pawitişanê xo hesabê komplokeran serûbin kerdî. Seba ke paradîgmaya Rayberîye goreyê menfeatê hêzanê kapîtalîstan nêbî komplo ame kerdene. Coka bi serran o polîtîkayê tecrîdî yenê domnayene. La Rayber Apo tim vano o gêreno muxatabêk. Rayberîye têkoşînê xurtî dano. Wezîfeyê ma yo ke ma semedê azadîya fîzîkîye ya Rayberîye her cade têkoşînî xurtêr bikerê.''