Gerîlayê HPGyî Zerdeşt Suruç (Adem Ozkan) o ke 1ê êlule de hêrişê dewleta tirke ya îşxalkere yê vera Bagokî de şehîd bi, dewa Zoncikî ya qezaya Pirsûsî ya Riha de ame definkerdene.

Keyeyê Suruçî badê safîbîyayîşê testê DNA cenazaya xo Nêweşxaneyê Cigêrayîş û Perwerdeyî yê Mêrdînî girewte û arde dewa Zoncikî ya Pirsûsî.

Dewa Zokcikî verî ke cenaza bêro hetê bi seyan leşkeran ra gerîyaye binê ablûqa. Rixmê astengkerdişî xeylêk kesan xo resna warê mezelan. Wextê definkerdişî de têna destûr dîya keye ra şeş kesî tewrê ci bibî. Leşkeran şar tehdît kerd, vat eke şima dûr mekewê ma do cenaza bêrê cayêkê bînî de defin bikerê. Leşkeran destur nêda wecîbeyê dînî zî bêrê caardene û bi telefonî dîmenî bêrê girewtene.

Cenaza binê ablûqa de ameye definkerdene û dima ra qirseyo ke dormeyê mezelan de ame pêser Pirsûs de keyeyê Zerdeşt Suruçî zîyaret kerd. Keyeyê Suruçî de tezîye ameye ronayene.