Gerîlayê YJA Starî Zeynepe Ozkan û gerîlayê HPGyî Şakir Erdemcî yê ke dewa Xirbêkûrî ya herêma Mawa yê qezaya Heskîfî yê Êlihî de 18ê hezîrane de hêrişê îşxalî de şehîd bîyî, ameyî definkerdene.

Merdimanê şehîdan Nêweşxaneyê Cigêrayîş û Perwerdeyî yê Batmanî ra cenazayê xo girewtî. Cenazaya Zeynepe Ozkan Basaya Şirnexî de û cenazaya Şakir Erdemciyî qezaya Torosanî ya Mersinî de binê ablûaqaya polîsan de bi lawikan ameyî definkerdene.