Bêrîtanê Hêvî (Gulnaze Karataş) serra 1992yî de vera PDK û dewleta tirke çalakîya destankîye kerde. Na çalakîye çar parçeyanê Kurdîstanî de tesîro pîl kerd û sey tewirê cinîya kurde yê vera teslîmîyet û îxanetî morê xo da tarîxî ro.

Gerîlayanê YJA Starî ke bi wesîleya serrgêra şehadetê fermandare Bêrîtane Hêvî qisey kerd.

Gerîlayan ra Zelale Mêrdîn Bêrîtane sey sembolê azadîye name kerd û vat, “Çalakîya embaze Bêrîtane xeylêk cayan de tesîro pîl kerd. Embaze Bêrîtane mîyanê şarê ma de bîye efsane. Çalakîya embaze Bêrîtane vera îxanetî zî veng vet. Xayînê ke eslê xo înkar kenê înan ra tayînan badê na çalakîye çeke na ro. Embaze Bêrîtane xeta îxanetî binviste û tarîxê Kurdîstanî de pelo newe akerd. Êyê ke xeta îxanetî yê PDKyî de wa bizanê ke ma do vera dewleta tirke çalakîyanê xo zafêr bikerê. PDK û hemkarê ci do vera gerîlayan ser mekewê. Çunke ma sey fedayîyanê Rayber Apoyî soz dayo dewaya azadîye. ” 

Bêrîtane Serhat zî nê vatî: “Çalakîya embaze Bêrîtane rayîrê azadîye yê cinîyan de rolêko pîl kay kerd. Naskerdişê embaze Bêrîtane naskerdişê raştîya cinîyan o. Sebebê tewrbîyayîşê mi no bi. Ma sey komelî embaze Bêrîtane sey serkêşa xo dîyênî, nê sebebî ra ez tewrê refanê azadîye bîya. Têgêrayîşê azadîye şexsê embaze Bêrîtane de resa tîtikî. Ma zî do xeta aye de têkoşînî xurtêr bikerê.” 

Dîcle Efrîn zî nê vatî: “Xeyrê embaze Bêrîtane artêşa cinîyan û îradeyê cinîyan vejîya meydan. Têna têkoşînê cinîyan ê mîyanê  PKKyî de tesîr nêkerd, warê komelkî de zî tesîro pîl kerd. Embaze Bêrîtane têkoşînê cinîyan de rolo tewr pîl kay kerd. Vera îxanetî mesajê vengdayîşî yê têkoşînî da. Ganî her kes vera xeta îxanetî tewirê xo eşkera ramojno. Tewirê ma zelal o:  Ma do bi ruhê embaze Bêrîtane hem vera îxanetî hem zî vera dewleta tirke ya îşxalkere têkoşînî xurtêr bikerê û ser bikewê."