Artêşa tirke dewa Tiloranî ya qezaya Geverî ya Colemêrgî de ware û merayan de hêrişê îşxalî da destpêkerdene. Leşkeran rayîrê wareyanê Hor, Berê Sor û Conîyî qefilnayî û dewî girewtî binê ablûqa.

Bi seyan qoricî û leşkerî sewqê herême ameyî kerdene û herême ser ra helîkopterî gêrenê.

Dîya zanayene ke warê koyanê Sipêrêz û Omerê de zî droneyê çekdarî gêrenê.

Heywanî wareyan ra ameyî vetene û destûr nêdîyeno ke bêrîwanî şorê wareyan.

Ame parekerdene ke leşkeran şiwaneyî û kesêko sivîl rût kerdê, cigêrayîşê bedenî kerdê û dewijan rê zî kontrolê nasnameyî kerdê.