Qezaya Geverî ya Colemêrgî de hêrişê dewleta tirke û PDKyî de ameyî protestokerdene. Hemserekê Pêroyî yê KCDyî Berdan Ozturk, Hemserekê Pêroyî yê DBPyî Salîha Aydeniz û Keskin Bayindir, wekîlê HDPyî, aktîvîstê TJA, endamê Meclîsê Dayîkanê Haştîye û xeylêk kesî tewrê çalakîye bîyî.

Polîsan serê sibayî ra pê TOMAyan heme kuçeyî girwetî şaro ke waşt bêro banê HDPyî   kontrolê Arêdayîşê Hayîdarîyanê Pêroyîyan (GBT) ame ravêrtene. Şaro ke hîrê nuqtayan de kombi  polîsan destûr nêda bêro têhet û eşkerayîye bido. La rixmê heme astengkerdişê polîsan qismêkê şarî xo resna verê Merkezê Karî yê Zagrosî û pankartê xo yê vera îşxal û îxanetî akerd. Çalakîye de dovîzê sey “Bê dengî mirin e”, “Kurdistan yek e perçe neke”, “Bijî berxwedana Kurdan” û “Bimre ixanet, ameyî akerdene.

Salîha Aydeniz vist vîrî ke şer semedê ameyo şarî nîno kerdene û vat: ''No îqtîdar wazeno ameyoxê xo serê dişmenîya kurdan û şaranê bînan de rono. No îqtîdar xo pê polîtîlayanê şerî weye keno. Semedê menfeatê xo tim peyê polîtîkaya qirkerdiş, tecrîd û şerî de yo. La ma tîya ra hewna vanê înan pê nê polîtîkayan peynîya xo arde. Şarê kurdî senî ke bi serran o vera nê polîtîkayan vejîyeno ewro ra tepîya zî do têkoşînê xo bidomno.Nê şerî de têna kurdî nê heme şarê Tirkîya vînî kenê. Coka ganî ma pêro pîya vera nê şerî vejîyê.  Ganî şarê Tirkîya vera şerî vengê xo berz bikero. îqtîdar wazeno pê hêrişê vera kurdan payra bimano. Tewr peynî de hêrişê vera HDPyî zî leteyêkê nê yo. Çend vînî ke dahîna benê har û hêriş kenê. Ma çok nêdanê ma do tim bibê  tersê şima.Hetê bînî ra PDKyî zî seba ke destkewteyê kurdan bêrê çînkerdene paştî dano Tirkîya. Êyê ke goreyê menfeatê Kurdîstanî tênêgêrene vînîkerdişî rê mehkum ê. Kurdî pêkerdişo ke Şingal tede çîn o qebul nêkenê. Heme dewletî dezgehê heqanê merdimanê ke vera nê hêrişan û şuxulnayîşê çekanê kîmyewîyan bêveng mamenê yê zî parçeyêkê nê şerî yê.''

Berdan Ozturkî zî vat: ''Nê hêrişî vera ziwan û kulturê kurdan ê. Nê hêrişî semedê çînkerdişê kurdan û îşxalkerdişê Kurdîstanî yenê kerdene. Ganî ma her ca de cewabê nê hêrişan bidê. Waştişê înan oyo ke kurdan çîn bikerê. Ganî kurdî vera PDKyî yo ke xizmetkarîya Tirkîya keno, nêrazîbîyayîş ramojnê û tewir bigêrê.  Qasî Muhammedî 75 serrî wesîyet kerd. Qazî vat: 'Semedê pere û menfeatî şarê xo meroşê. Bibê yew, cunke şima bihêz ê. Eke şima bibê yew eşkenê ser bikewê'. Ewro PDK wasîyetê Qazî bipay keno. La kurdî wasîyetê ey do bîyarê ca.  Vindertişê şarê ma do ameyoxê ma bewlî bikero. Semedê nê ganî şarê Başûrê PDKyî rê vajo hinî bes o.''