Taxanê Orman, Kişla, Dize, Cumhurîyet û Taxa Newî  yê qezaya Geverî ya Colemêrgî de tecrîdê serê Rayberê Şarê Kurdî Abdullah Ocalanî ame protestokerdene.

Şarê Geverî paştî dayî xoverdayoxanê zîndanan ê ke bi waştişê Abdullah Ocalanî rê azadîye, meseleya kurdan rê çareserîye mahkemeyan boykot kenê û nêvejîyene pêvînayîşê telefon û keyeyan. Reyna vera cezayanê giranan ê Dewaya Kobanê zî nêrazîbîyayîş ame mojnayene.

Şarê ke xeylêk nuqtayan de adir tafîna bi tencik û tawayan çalakîya vengvetişî kerde.  Polîsan bi bombayanê gazî, mermîyanê plastîkan û awa tazîkine hêrişê şarî kerd.  Çalakwananê ciwanan bi kerra û fîşekanê hevaî  cewabê polîsan da.

Çalakîyan de slogananê sey “Bijî Serok Apo”, “Ciwanê fedayîyê Apoyî yê ”, “Tepişteyê sîyasîyî anorê ma yê”, “Ma do bi serkewtişî ser bikewê” û “Kurdîstan do bibo mezelê faşîzmî” ameyî vatene.