Kurdîstanijî û dostê înan nêzdîyê 500 kesî tewrê şewa paştdayîşî bîyî. Koma muzîkî yê Şîlî Contraviento vejîya sehne ser û bale ante çalakîyanê 'Les Tesîs‘ yê ke Şîlî de dewam kenê ser. Dima Hozan Dîndar û Koma Delal Amed vejîyayî sehne ser.

Hemserekê Kongreya Komelê Demokratîkî ya Kurdîstanijan ê Ewropa (KCDK-E) Yuksel Koçî qisey kerd û vat: "Ganî ma vera tecrîdkerdişê Birêz Ocalanî têkoşînê xo pîl bikê."Koçî seba yewîya neteweyîye venga partîyanê kurdan da.

Temsîlkarê Komîteya Paştdayîşê Rojawanî zî meydanê çalakîye de qisey kerd û îşxalê dewleta tirke yê vera Rojawanî şermezar kerd.

Dima Koma Hezex, Elî Gawan, Hozan Zekî vejîyayî sehne ser, sînevîzyonêk ame mojnayene û koma govendan zî vejîyaye sehne ser.

Polîsî kewtî zereyê salone û bi sebebê 'qedexeyî' posterê Ocalanî ardî war.