Vera veradîyayîşê kesanê ke hêrişê bînaya Bahçelîevlerî ya HDPyî kerdbi nêrazîbîyayîşî dewam kenê. Îdarekaranê HDPyî yê Anqara ra Huseyîn Gokovayî derheqê hêrişanê vera HDPyî de ANFyîr ê qisey kerd.

Gokovayî da zanayene ke nê hêrşê vera HDPyî newe nîyê û vat: ''Mersîn û Anqara de partîya ma dîyaye bombayan ver, Amed de weçînayîşê 7ê hezîrane ra dima mîtîngê ma dîya bombayan ver. Qirkerdişê Denîze Poyraz de ma dî ke polîsî senî nêzdîyê kiştoxî benê. Dewlete ra azade ê nêeşkenê wina têbigêrê. Dewlete bi taybetî vera ciwananê HDPyî polîtîkaya ajanîye ana ca. Verî Hemsereka ma ya Sîncanî Fatma Kliçarslan amebî remnayene dima ke xebera muxalîfan pê naye bîye a vera dîyaye. Eke cayêk de zulm estbo normal o ke tede xoverdayîş zî esto. 

Qirkerdişê Sakîne Cansiz, Fîdane Dogan, Leyla Şaylemez, Sêvê Demîr, Pakîze Nayir û Fatma Uyar sîstemî ra cîya nîyê. Polîsî erzenê keyeyan ser û dêsan ra nuşteyan nusenê. Ma bêhuqûqîye de têrî benê.''

Huseyîn Gokovayî vist vîrî ke ronayîşê Komara Tirkîya ra nata qirkerdişê vera kurdan dewam kenê û vat: ''Dewlete rûm û armenîyî qetil kerdî, Terteleyê Dêrsimî kerd. Reyan Garê Anqara de qirkerdişo tewr pîl ame kerdene. Hişmendîya dewlete ya vera çepgîr, sosyalîst, armenî, elewî û grûbanê bînan qet nêvurîyaya. La vera nê qirkerdişanê dewlete xoverdayîşê ma do dewam bikero.''