Bi wesîleya Roşanê Qurbanan xeylêk şaristanan de gorî ameyî zîyaretkerdene.

Adana

Serkêşîya AYKAYDERî de goristana Kuçukoba, Asrî, Akkapi, Ceyhan Asrî û Mutluyî ameyî zîyaretkerdene. Goran ser de duayî ameyî wendene. Rêxistinê DEM Partî û Mayê Haştîye zî tewrê zîyaretan bîyî.

Amed

MEBYA-DERî Goristanê Yenikoyî zîyaret kerd. Goristan de girseyî deqayêk rêz girewt. Hemserekê MEBYA-DERî Mehmet Emîn Kiliçî ard ziwan ke ê deyndarê şehîdan û heta peynî peyê dewaya înan de bibê.

Wan

Serkêşîya MEBYA-DER û TUAY-DERî de xeylêk qezayan de goristanî ameyî zîyaretkerdene. 

Îstanbul

Goristanê Kanarya yê qezaya Kuçukçekmece û goristanê Ihlamurkuyuî yê Umranîye hetê TJA, DEM Partî û xeylêk kesan ra ameyî zîyaretkerdene.

Mêrdîn

Serkêşîya MEBYA-DER, DBP û DEM Partî dde gorî ameyî zîyaretkerdene. Wekîlê DEM Partî Kamuran Tanhan zî tewrê zîyaretan bi. Zîyaretan de deqayêk rêz ame girewtene.

Şirnex

Serkêşîya MEBYA-DERî de merkez û qezayan de goristanê şehîdan ameyî zîyaretkerdene. Vervatoxa DEM Partî Ayşegule Dogan, Wekîlê Şirnexî Newroze Uysal û Zekî Îrmez, Meclîsê Mayanê Haştîye, TJA de goristanî ameyî zîyaretkerdene.