Nobeta Azadîye ya ka semedê azadîya fîzîkîye ya Raybarê Şarê Kurdî Abdullah Ocalanî 25ê hezîran a 2012yî de bajarê Strasbourgî yê Fransa de ameye destpêkerdene hewteyê 501. de ya.

Çalakîya tarîxî ya ke nûqtaya ke dezgehê Ewropa tede yê de yena kerdene no hewte hetê grûba ke Cenevre ra ameye ra ameye dewrgirewtene.  Grûbe de Salih Saglam, Cemal Altunsoy, Erdal Taş û Devrim Uzunboylu ca genê.

Çalakwanan ra Salih Saglamî ke bi nameyê grûbe qisey kerd verî şehîdê YPJ û YPGyî yê Hesekê yad kerdî û hêzê ke DAÎŞî weye kenê ê şermezar kerdî. Saglamî vist vîrî ke çalakîye Nobeta Azadîye des serrî yo bi hewayêkê qerardarî yena domnayene û vat: ''Dewleta tirke şexsê Raybarê Şarê Kurdî Abdullah Ocalanî de vera şarê kurdî û merdimîye sûcê kena. Ganî dezgehê Ewropa yê eleqedarî vera nê bêveng memanê. Bêvengîye yena manaya şirîkîya sûcî.'' Saglamî seba ke wayîrê çalakîye vejîyê veng da kurdanê ke Ewropa ciwîyenê û vat: ''Kurdî do çirey têkoşînê azadîye cameverdê. Ma ma do miheqeq ser bikewê.''