Eskerê  ke çalakîya gerîlayan ê Çelê de ameyî kiştene, înan ra yew cenazeya ci Enqere de ameye wedarnayene. Serekê Pêroyî yê CHP’yî Kemal Kiliçdaroglu yo ke tewrê cenaze bi ci rê hêriş ame kerdene.

Kiliçdaroglu hetê polîsan ra ame berdene keyeyêk. Goreyê zanayîşan keyeyo ke Kiliçdaroglu tede yo yeno kerrekerdene û Kiliçdaroglu nêeşkeno vejîyo teber. Hêriş hetê kamî  ra  ameyo organîzekerdene hema zelal nêbîyo. La yeno zanayene ke îqtîdaro ke weçînitişê herêmî de bajarê girdî vinî kerdî muxalefetî sîstematîk sey hedef ramojneno.