Namzeda Hemserekanê Şaredarîya Êlihî ya DEM Partî Gulîstane Sonuk derheqê xebat û projeyanê xo yê weçînayîşan de ANFyî rê qisey kerd.

Gulîstane ard ziwan ke ganî vera polîtîkayanê şerê taybetî yê hukmatê AKP-MHPyî mesuldarîye bêra girewtene û vat: ''Şaredarîye rayîrê çareserîyan a. Ma bi na hişmendî têgêrenê. Ma xîret kenê ke Êlihî bivurnê Êlihê serranê 90an. Êlih 8 serrî yo hetê qeyûman ra yeno talankerdene. Qeyûman azadîyî, merkezê cinîyan, warê ziwan û kulturî wedaritî. Qeyûmî bi taybetî hêrişê ziwanê ma kenê û budçeya şarî terefgîranê xo vila kenê. Ma do dewketeyanê xo apey bigêrê û bizêdînê.

31ê adare de ya paradîgmaya qirkerdişê vera kurdan û cinîyan yan zî paradîgmaya ma ya azadîya cinîyan, ekolojîke û îradeyê şarî ser bikewa. Coka ma giranîye danê weçînayîşanê herêmîya. Ma do Êlihî destê qeyûman ra bixelisnê û wina bikerê ke her kes bi azadî do bieşko tede biciwîyo. Ma do xebatanê serê şîdetê vera cinîyan bikerê. Êlih de xeylêk meseleyî est ê. Ma qerardar ê ke şaristan de şarê xo reyde do têbigêrê û rayîrê çareserîyan pîya peyda bikerê.''