Sereka Şubeyê Îstanbulî ya Komeleya Heqanê Merdiman (ÎHD) Gulserene Yolerî derheqê rewşa tepişteyanê nêweşan de ANFyî rê qisey kerd.

Gulserene Yolerî vist vîrî ke Wezîrê Edaletî Bekîr Bozdagî çend mengî verî vatbi ke ê do derheqê tepişteyanê nêweşan de vurîyayîşêkê neweyî bikerê û waşt ke wa wezîrîye sozê xo bîyara ca. Yolerîye vat: ''Zîndanan de vera hûmara tepişteyan ê nêweşan zêdîyena û tecrîd sey metodêlê îşkenceyî şuxilîyena. Tecrîd bi taybetî tesîrê ruh û bedenê tepişteyan keno. Tepişteyê nêweşî nênê dermankerdene û wexto ke wedarîyenê nêweşxane zî bi kelemçeyan yenê dermankerdene ke no zî îşkence yo.''

Yolerîye dîyar kerd ke herinda ke tecrîd bêro wedaritene ameyo girankerdene û ard ziwan ke zîndanê bi tîpê S û Yyî modelê neweyî yê zîndananê tecrîdî yê. Yolerîye vat: ''Wezîrê Edaletî Bekîr Bozdagî bi eşkerayîyêke vatbi ke ê do derheqê tepişteyanê nêweşan de vurîyayîşanê neweyan bikerê. La hema zî gamêke nêeşte. 11 menganê peyênan de 62 tepişteyan zîndan de dinyaya xo bedilnaye. Ma venga Wezîrê Edaletî danê ke wa sozê xo bîyaro ca. Ma meşgul nêkero, sereraştkerdişî bikero.''