Namzeda Şaredarîya Bajarê Pîlî yê Anqara ya DEM Partî Gultane Kişanak a ke sey esîre yena tepiştene derheqê weçînayîşî de şarê Dêrsimî rê mesajêk şawit.

Mesajê Kişanake hesabê medyaya sanale yê DEM Partî yê rêxistina Dêrsimî de ame parekerdene. Mesajê de nê ameyî vatene: ''Şarê Dêrsimî yo sînaye, tornê qehremanî yê Seyîd Rizayan, Besê Dayîkan û Şahan Axayan, hemrayê Alîşerî, Zaîfe û Sakîne tim bawerîya mi şima ra est a, tim paştê mi şima ra pêt a, ez tim xoverdayîşê şima rê  hurmet kena, şima ra hêz gena.

Têkoşîn dewam keno. Nika her wextî ra zafêr hewceyê ma yewbîyayîşî û pîya serkewtişî est o. Teberê serkewtişî de yewna rayîrê ma çîn o. Roje roja hêrsî, pêrodayîş nîya, roje roja yewbîyayîşî, têkoşînê hemparî û pîya serkewtişî ya. Roje roja xo bi xo îdarekerdişî ya. Adresê nê zî DEM Partî yo. Wayîrê namzedanê xo bivejîyê.

Ez Kadira ra hucreyo ke tede sey rehîne yena tepiştene ra Dêrsimî rê selamanê xo yê şorişgêran şawena. Ez bi na bawerîye vana. Şarê Dêrsimî wurze, DEM ama. Serkewtiş ê ma yo…''