Ciwano kurd Serhat Gultekîno ke 2017 de Fransa rê muracatê îltîca kerdbî, 4ê nîsane de amebi tepiştene û perey zî teslîmê Tirkîya amebi kerdene. Gultekînî rê destûr nêdîyeno avûkatanê xo bivîno. Gultekîno ke nêweşîyê ci yê giranî est ê, rewşa ci nêzanîyena.

Avûkatanê Gultekînî Şule Recepoglu, Umît Bînîcî û Sîdar Perçînî eşkerayîyêka nuştekîye daye. Avûkatan da zanayene ke Gultekîn de nêweşîyêka nadîre ya bi nameyê ''sendromê marfanî'', nêweşîya mîde est ê û tedawîya ci nêmcet menda. 

Avûkatan pare kerd ke Fransa goreyê qanûnan tênêgêraya û verî ke 48 saetî debibê Gultekîn teslîm kerdo. Avûkatan dîyar kerd ke ganî her kes derheqê babete de hîsger bibo.