Gunaye: Îqtîdar gêreno kumpas

Vervatoxa HDPyî Ebru Gunay derheqê qirkerdişê sîyasî yê vera KCDyî de vat: ''Wazenê ke KCD bikerê qurbanê kumpasanê nefretê dewirê neweyî.''

Vervatoxa HDPyî Ebru Gunay bînaya merkezî ya partîya xo de eşkerayîya çapemenîye daye. Gunaye bale ante qirkerdişê sîyasî yê KCDî ser û îfade kerd ke dewleta tirke wazena KCD krîmînalîze bikera.

Gunaye vat KCDyî 13 serran ra nata seba çareserîya meseleya kurdan çareser bikera têkoşîn keno, kongre û komxebetanê xo bi hawayêkê legalî keno û vat: ''''Wazenê ke KCD bikerê qurbanê kumpasanê nefretê dewirê neweyî.''

Erdoganî qiseykerdişêkê xo de Peymana Îstanbulî hedef kerdbi. Gunaye derheqê mesele de vat: ''Seba cinîyan çi raşt o çi şaş o ma do bira ci bidê, şima sey camêrdan nêeşkenê bire bidê.''

Derheqê vurîyayîşê baroyan de zî Gunaye nê çîyî vatî: ''Îqtîdar do pê tersnayîş, krîmînalîzekerdiş, gefwendişî nêverdê ke her kes bibo endamê baroyan. ''

Gunaye peynîya qiseykerdişê xo de vat ke AKP pê tedaya vera medyaya komelkîye wazeno vengê muxalîfan tay bikero.