Komeleya Yewîya Kultur, Paştdayîş û Hetkarîya Kesanê ke Dergûşê Medenîyetî de Merdimê Xo Vînî Kerdî (MEBYA-DER), Komeleya Paştdayîş û Hetkarîya bi Keyeyanê Tepişte û Hukmwerdeyan (TUHAY-DER) a Mêrdînî û Rêxistina HDPyî ya Dêrikî fitar da. Vervatoxa HDPyî Ebruye Gunay û Wekîla HDPyî ya Mêrdînî Peroye Dundar zî tewrê fitarî bîyî.

Ebruye Gunay fitar de qisey kerd û vat: ''Zîndanan de teda û îşkenceyî zêdîyenê. Ganî ma seba tepişteyan vengê xo berz bikerê.Tirkîya bi hemkarîya PDKyî hêrişê Herêma Kurdîstanî kena. Nê hêrişê îşxalî verê qirkerdişê kurdan akenê. No îqtîdar estbîyayîşê xo dişmenîya kurdan ser o ronayo. Ganî ma yewîya xo bîyarê ca û vera hêrişanê îşxalî pîya têbigêrê.  

Birêz Ocalano ke seba çareserîya meseleya kurdan aktorêko girîng o, Îmrali de yeno tecrîdkerdene. Îqtîdarê AKPyî seba ke vengê haştîye yê Ocalanî bibirno, tecrîdî keno giranêr û vera Kurdîstanî hêrişan keno. Polîtîkayê şer û tecrîdî do netîceyêke medê û azadîye qetî do ser bikewa.''