Vervatoxa HDPyî Ebru Gunay Merkezê Pêroyî yê HDPyî de kombîyayîşê çapemenîye de qisey kerd ke û bale ante tecrîdê vera Rayberê Şarê Kurdî Abdullah Ocalanî ser.

Qiseykerdişê Ebru Gunay ra beşêk wina yo:

''Abdullah Ocalan muxatabo verên ê meseleya kurdan o. Ocalan têna tepişteyêk nîyo, ganî heqê ci bêrê dayene. Ocalan çareserîya demokratîke ya meseleya kurdan de aktorêko polîtîk o.

Tecrîdkerdişê Birêz Ocalanî nêno qebulkerdene ke mo tecrîd resayo astêka tehlukeyîne. Êyê ke seba xatirê rayan sîyasetê qirkerdişî yê AKP-MKyî yê vera kurdan tesdîq kenê ganî bizanê ke pê tasfîyeya destkewteyan ê demokratîkan ê kurdan têna sîyasetê kurdan do vînî nêkero. Polîtîkaya tecrîdî, qeyûm û tasfîye ya vera kurdan û Ocalanî eke xoverdayîşê kurdan çin bibo welat do bibo warê rejîmê şexsêkî.

Tarîxê têkoşînê azadîye yê kurdan û têkoşînê demokrasî yê şaranê Tirkîya qetî  hende neçare nêmendbî, çarenusê înan hende hempar nêbibî. Coka rewşa winasêne de raweriştişê vera tecrîd û îşkenceyî yeno manaya wayîrvejîyayîşê ameyoxê demokratîkî yê hemparî. Têkoşînê seba caardişê huqûqê Îmraliyî do bibo têkoşînê caardişê huqûqê welatî.

Polîtîkayê vera Birêz Ocalanî û şarê kurdî xeylêk tehlukeyîn ê û ma îqtîdar hîşyar kenê.

Nameyê HDPyî ser o ma nêzdîbîyayîşê winasênî qebul nêkenê. Wezîfeyê muxalefetî bi hawayêkê normalî pêşwazîkerdişê meseleyan nê çareserkerdişê meseleyan o.

Ma venga her kesî danê ke bi hawayêkê cidîyî nêzdîyê na mesele bibo. Ma venga hêzanê demokrasî danê ke xeta rayîrê hîreyînî de têkoşînê sîyasî de bibê yew. Şarê kurdî û hêzê demokrasî tecrîd qebul nêkenê.''