Vervatoxa HDPyî Ebru Gunay bînaya Merkezê HDPyî de kombîyayîşêkê çapemenîye kerd û rojdem ercna. Gunaye vera operasyonanê qirkerdişê sîyasî yê ewroyînî nêrazîbîyayîşê xo mojna.

Gunaye vist vîrî ke operasyonan de avûkatî û endamê Heyetê Rûmetî yê Yewîya Doktoran ê Tirkan (TTB) Şeyhmus Gokalp zî tede doktorî ameyî destbendkerdene û vat: ''Key qala reformê huqûq û edaletî yena kerdene bêhuqûqîyî zêdîyenê. Avûkatî seba îfade nêameyî vengdayene û serê sibayî polîsan eşt keyeyanê înan ser. No mîsal mojneno ke hukmkerdiş senî bîyo keyfî.''

Gunaye venga Wezaretê Edaletî da û vat: ''Hînî komel mexapînê, Şiam her roje edalet û huqûq qetil kenê. Avûkatî cade vera bidê.

Îqtîdarê AKPyî pêro îqtîdarê xo de wina kerd. Hînî vatişê ci kelecan nêdanê çewî. Vatişê reformî xapînayîş o. Kemal Kurkut verê çimanê ma de kişîya la derheqê kiştoxê ci de bira  veradayîşî dîyaye.

Sûcanê vera cinîyan de zî polîtîkaya bêcezaveradayîşî yena caardene. Hînî no bîyo sîstematîk. La têkoşîno hempar ê cinîyan, paştdayîşê cinîyan û îtîfaqê cinîyan vera şîdetê camêrdan 25ê Teşrîna Peyêne de do meydanan de bibê. Ez tîya ra selam kena têkoşînê cinîyan. 

Komê cîhadîstî erdê Rojawanî de seke makîneya sûcî yê.  Nê komî cinî û domanan rê îşkence kenê, çimeyanê herême talan kenê û her roje bi sûcêkê bînî dekewenê rojdem. Hînî wa no talan biqedo. Seba ke şarê Rojawanî abigêro wareyê xo ganî astengîyî bêrê wedaritene.''