Sonuç Gurdegîro ke 24ê temmuza 2011î de Îstanbul de amebi destbendkerdene û bi rojan nezarat de raştê îşkenceyî amabi, vizêr ame tepiştene.

Gurdegîr bado ke Îstanbul de ame tepiştene ame ardene memleketê ci Çewlîgî. Gurdegîro ke demê nezaratî de ci rê îşkenceyo giran ame kerdene badê cipêrsayîşî sewqê Mehkemeya Ceza ya Sulhî ya Çewlîgî bi.

Gurdegîrî mehkeme de vat: ''Mi verî qereqol û serdozgerîye de zî heqê xo yê hişkerdişî şuxulna û  tîya zî wazena nê heqê xo bişuxulnî. Sebebê qiseynêkerdişê mi oyo ke gama ke ez nezarat de bîya mi rê îşkence ame kerdene. Reyna wayê mi yê ke 11-12 serrî yo mi nêdîyî bîlasebeb ameyî tepiştene. Çoka ez vera nayî tewirê xo pê qiseynêkerdişî ramojnena.''

Gurdegîr bi îdîya ''endamîya rêxistene'' û ''xeripnayîşê yewîya welatî'' ame tepiştene û şawîya Zîndanê Tîpê Myî yê Çewlîgî.

Wayûbirayê Gurdegîrî Ozge, Prenses û Ertan Gurdegîr û merdimê ci Mehmet Gulyildar û keso ke nameyê ci nêame musayene bi îdîya ke înan semedê şîyayîşê Îsanbulî Gurdegîrî rê hetkarîye kerde bi îdîaya ''endamîya rêxistene'' ameyî tepiştene.