24ê temmuza 2011î de Sonuç Gurdegîr operasyonê qirkerdişê sîyasî de amebi destbendkerdene. Gurdegîr 9 rojî yo nezaret de yo.

Komeleya Huqûqnasan a Seba Azadîye (OHD) ya Amedî hesabê xo yê twitterî de pare kerd ke Sonuç Gurdegîr binê îşkenceyî de yo. OHDyî da zanayene ke balîşna nêdîyaye Gurdegîrî, qereqol de pey ra destê ci ameyî kelemçekerdene û semedo ke ranêkewo pê lingan polîsan da berê ci ro.

OHDyî vat: ''Pê ci sey 'Ramekewe bêşeref' heqaret ame kerdene. 28ê tebaxe 22:00 ra heta 29ê tebaxe berê ci ame kuwayene. 30ê tebaxe de reyna o pê şîdetî ame berdene bi odaya îfadeyî û ıca de maruzê îşkenceyî mend. Îşkence ra çimê ci yo raşt mor û ekîmoz bîyo. Semedo ke îşkence nêro nimitene muwekîlê ma o çimê xo mojna kamerayan. Kamerayanê TEM-KOMî de no dîmen esto. Nêweşxane de bi hawayêkê kelemçekerdeyî muwekîlê ma rê derzîne ameye dayene. Semedo ke ranêkewo kişta hucreyê muwekîlî de bi vengêkê berzî muzîk ame akerdene. Nê pêro îşkence yê.''

Avûkatanê Gurdegîrî derheqê kerdişan de gerreyê personelan kerd.