Wekîlîya  Enîs Berberogluyî amebî batalkerdene la Berberglu pê bira Mehkemeya Qanûnê Bingeyî agêraye wezîfeyê xo ser.

Hemsereka KCDyî Leyla Guvena ke dest nîyabi wekilîya ci ser û ameye tepiştene derheqê mesele de eşkerayîyêka nuştekîye daye.

Guvene eşkerayîya xo de pare kerd ke Tirkîya de vera sîyasetmedaranê kurdan darbe yena kerdene û vat: ''Îqtîdarî çend bivurîyê zî kerdişê înan yew ê. Herinda ke ma îtaatê înan bikerê û bibê kurdê înan ma do pê rûmetê xo zîndanan de xo ver danê. Ez nêvana çira Mehkeme cîyakerîye kerda. Çunke heta nika qanûnî qet vera ma bi hawayêkê têdûştî nêameyî caardene. CHP pê pratîkê xo karanê AKPyî asenêr keno û pê bêvengîya xo zî tesdîq keno. Ma mehkumê polîtîkayanê AKP-MHP û polîtîzenêbîyayîşê CHPyî nîyê. ma heta nika zaf bedelê giranî ayî. Ma do pê dînamîkanê xo rayîrê xo rê dewam bikerê.''