Wekîla DEM Partî Halide Turkoglu bi wesîleya serrgêra Qirkerdişê Parisî ke Sakîne Cansiz, Fîdane Dogan û Leyla Şaylemez ameyî qetilkerdene, ANFyî rê erjnayîşî kerdî.

Halide Turkogu ard ziwan ke Qirkerdişê Parisî têna vera cinîyan ê kurdan nê vera têkoşînê azadîye yê cinîyan ame kerdene û nê vatî:

''Qirkerdişê Parisî suîkastêko plankerde bi.  O wext prosesê muzakeran bibi û seba ke no proses bêro bedilnayene hêriş ame plankerdene. Coka gama ke no qirkerdiş yeno destgirewtene ganî persê kamî kerdî ra zafêr qey ame kerdene bêro persayene. Sakîne Cansiz nameyanê sembolan ê têkoşînê azadîye yê cinîyan kurdan ra yewe bî. Fîdan Dogane xebetê dîplomasîyî yê muhîmî kerdî û Leyla Şaylemez têkoşînê ciwanan de rolo bitesîr kay kerd. Bi hedefgirewtişê nê hîrê nameyan vera têgêrayîşê azadîye yê kurdan hêriş ame kerdene.

Cinîyê kurdan têna semedê kurdan têkoşîn nêkenê, semedê heme cinîyan ê dinya têkoşîn kenê. Coka ganî pêro cinîyê dinya hesabê nê qirkerdişî bipersê. Ma sey Meclîsê Cinîyan ê DEM Partî, TJA û Têgêrayîşê Cinîyan ê Kurdan 9ê çeleyî de têna şehîdan yad nêkenê, ma eynî wextî de têkoşînî xurtêr kenê.

Ma zanê ke peyê nê qirkerdişî de aqlê dewlete netewe est o. La têna bi nê nîno îzahkerdene. Hêzanê modernîteya kapîtalîste nê qirkerdişî de rolo muhîm girewt. Eşkera yo peyê nê qirkerdişî de hemkarîya dewletan est a. Hukmatê Fransa herinda vînayîşê berpirsîyaran de bi yew tepiştişî kerd ke mesele biqefilno. Kerdoxî nêvetî werte û kerd ke serê qirkerdişî biqefilno.

Qirkerdişê Parisî wina yew wextî de ame kerdene ke  sîyaseto demokratîk bibi hêzdar. O wext Birzê Ocalanî no qirkerdiş sey 'Terteleyê Diyînî yê Dêrsimî' name kerdbi. Çunke no hêriş wexto ke dewlete polîtîkayê xo yê qirkerdişî vistî de dewre, o wext ame kerdene. Hedefgirewtişê Sakîne Cansiz vera prosesê muzakeran hemleya darbe bî. Badê qedîyayîşê prosesê çareserîye ma dî ke dewlete dest bi konseptê şerî kerd. Ma zanê ke nê qirkerdişî metodê şerêkê taybetî yê û ma do her şartî de têkoşînê xo rê dewam bikerê.

Qirkerdişê Parisî parçeyêkê planê çokdayîşî yê AKP-MHPyî bi. Bi hedefgirewtişê cinîyan ê kurdan Înan kerd ke şarê kurdî û cinîyan bitersnê. La  nê têkoşînî Rojawan de zîl da û açaraya têkoşînê azadîye yê mîyanneteweyîyî. Têkoşînê têgêrayîşê cinîyan ê kurdan sînorî rijnayî û xetêka şorişgêre afirna. Ma do nê şorişî ser bifînê û miheqeq hesabê nê qirkerdişî bipersê.''