Şaristanê Hamburgî yê Almanya de bi aktîvîteyêke namzedanê Şaredarîya Depe ya Xarpêtî yê DEM Partî Songule Duzgun û Cafer Olgunî rê destek ame waştene. Aktîvîte hetê Komîteya Paştdayîşî ya Depe ra ameye serûberkerdene.

Komîteya Amadekarîye ra Îlhan Akdenîzî aktîvîte de pare kerd ke ganî şarê kurdî paştî bido namzedanê xo.

Wekîlê SPDyî yê Hamburgî Alî Riza Şîmşekî zî qiseykerdişê xo de namzedanê DEM Partî rê serkewtiş waşt.

Şaredarê Depe yê verênî Burhan Kocamanî veng pêro şarê Depe yê Ewropa da ke wa bi rayanê o wayîrê mîrasê Hayrî Durmuş û Mazlûm Doganan vejîyo.''

Wekîlê HDPyî yê verênî Dr. Ahmet Yildirimî ard ziwan ke destkewteyê Depe do pêro herême rê tesîr bikero û rejîmê qeyûman rê bibo cewab.

Aktîvîte de Hozan Pîro Genlîk, Hozan Hesen, Hozan Amed, Hozan Hekimo,Hozan Benav vejîyayî sehne ser.