Înîsîyatîfê Paştdayîşê bi Namzedanê DEM Partî yê Çewlîgî yê Hamburgî venga pêro çewlîgijan da ke wa weçînayîşanê herêmîyan de paştî bidê namzedanê DEM Partî.

Înîsîyatîfî vat: ''Wextê ci ameyo ke Çewlîg de AKP bêro vindarnayene. Çewlîgijî kamca de benê wa bibê wa şorê sindoqan ser û raya xo bidê. Ganî ma narey dersêke bidê Erdoganî.

Eşkerayîye de wina ame vatene: ''Ganî pêro welatperwerî xebatanê weçînayîşan de înîsîyatîf bigêrê, erkanê xo bîyarê ca û bixebitê. Êyê ke eşkenê şorê Çewlîgî wa nika şorê la êyê ke nêeşkenê bi telefon û înternetî merdim, nas û dostanê xo seba DEM Partî îqna bikerê. No yew erkê welatperwerîye yo.''