Hemserekê Pêroyî yê Partîya Demokrasîyî û Têdûştîye ya Şaran (DEM Partî) Tulaye Hatimogullari û Tuncer Bakirhan bi wesîleya Roşanê Qurbanî şaredarîyan zîyaret kenê.

Bakirhanî ewro Şaredarîya Sêrtî zîyaret kerd. Barkirhanî vat: ''Sêrt 31ê adare de vera sîtemê xespkarî cewabo pîl da.  Eke ma pîya bixebitê û hêz bidê yewbînan çew nêeşkeno dest bierzo îradeyê ma. Weçînayîşê peyênî de îqtîdar bikewt. Çunke înan dişmenîya ma kerde. Ma do famê xespkarî tîya ra bişawê, înan bikerê partîya tabele. Şar înan nêwazeno la bi dizdîye û qeyûman bi zorî kenê îradeyê şarî xesp kenê. Ma do hinî destur medê xespê înan. Eke şima îradeyêşarî rê hurmet nêkenê, qey şima sindoqan nanê ro. Vajê 'ma weçînayîş kenê la teberê kurdan de' ma zî nê bizanê.''

Bakirhanî dima ra Şaredarîya Misricî zî zîyaret kerd, Turbeyê Veysel Karanî zîyaret kerd û esnafî zîyaret kerdî û roşanê înan bimbarek kerd.

Tulaye Hatimogullari zî Mêrdîn de şaredarîyî zîyaret kerdî. Hatimogullari verî Şaredarîya Şemrexî zîyaret kerd. Hatimogullari destsernayîşê Şaredarîya Colemêrgî vist vîrî û vat: ''Ma zanê ke sîyasetê qeyûmî senî dano vînkerdene. Coka ganî ma semedê betalkerdişê sîyasetê qeyûmî têkoşînî xurtêr bikerê. Wezîfeyê ma gerre nîyo, wezîfeyê ma çareserkerdiş o. Ganî ma helêke verî şaredarîyeya şarî bidê ciwîyayene.  Ganî ma her ca de kombîyayîşê şarî bikerî û wina dest pê xebatanê xo bikerê.''

Hatimogullari dima ra şaredarîyê Dêrik, Qoser, Nisêbîn û Artukluyî zîyaret kerdî.