Şaristanê Hannoverî yê Almanya de seba ke statuyo xoser ê Şingalî bişinasîyo seba di hewteyan çalakîya xeyme dîyaye destpêkerdene. Çalakîye Meydanê Steintorî de saete 13.00 de pê deqayêkê rêzgirewtişî dest pêkerd. Çalakîye do heta 30ê adare her roje mabênê saete 13.00-15.00 de dewam bikera.

Çalakîye de Koma Rêwî Rêdûrî muzîk kerd. Dima Koordînasyonê Komelê Êzidîyan ê Ewropa ra Cercûr Cemîl, Hemserekê KCDK-E Yuksel Koç, Hemserekê KON-MEDî Tahîr Koçer, Pêşîmam Ekrem, Federasyonê Elewîyan ê Demokratîkan ser Demîr Çelîk, NÇE ser Rêwî Rêdûr, Hemserekê Meclîsê Şarî yê Hannoverî Yaser Merkec, ciwananê êzidîyan, Meclîsê Cinîyan ê Êzidîyan qisey kerd.

Qiseykerdişan de ame vatene ke wayîrvejîyayîşê Şingalî yeno manaya wayîrvejîyayîşê pêro tarîxê kurdan û grevê vêşanîye yê tepişteyan selam ame kerdene. Qiseykerdoxan ard ziwan ke ganî statuyê Şingalî bişinasîyo û bipawîyo, ganî pêro îşxalkerî Şingalî ra vejîyê.

Çalakîye de vilawekî zî ameyî vilakerdene û sloganê sey 'Şehîdî nêmirenî, biciwîyo xoverdayîşê Şingalî, Biciwîyo Serek Apo' ameyî vatene.