15-16ê Hezîrana 1970î de Îstanbul de karkerî vera neheqîyan werişte payan ser. No serewedaritiş têgêrayîşê karkeran ê Tirkîya de cayo muhîm gêno. Komîteya Rayberdişî ya Têgêrayîşê Şorişgêrî yê Yewbîyayeyî yê Şaran (HBDH) bi wesîleya serrgêra nê têkoşînî de eşkeryayêka nuştekîye daye vat 15-16ê Hezîrananê neweyan ra, serewedaritişê şarî ra tersenê.

Eşkerayîye de nê ameyî parekerdene: ''Nê rojan de serdestî û temsîlkarê înan zaf qal kenê. Faşîstê ke sereyê hukatî de  ra heta burokrat û qelemşorê înanê çekdarî qet nêvîndenî, tim şarî tehdît kenê. Tayî vanê destê înan de lîsteyê mergî esto  û 15ê Temuze ra zafêr amade yê û vanê ke ''têna ma eşkenê 50 kesan bêrê''. Merdimîye ra bi temamî ameyî qerfinayene. Heme tecawuzkar û qetilkarî hetê hukmatî ra veradîyayî. Qeroqolan de dîmenanê îşkneceyî sewîs kenê. Cenazayanê ma kiştê rayîr de defin kenê. Hêrişê goranê ma kenê. Leşker û polîsî qîm nêkenê selahîyet danê nobetdaran.  La no zî nêvejeno. Se kenê wa bikerê kêm vînenî, xo asayîş de hîsnêkenê. Tersî ra sey turê awe recifyenê. Coka heme eşkerayîyanê înan de tehdît estî. Senî ke kesê ke goristanan ra tersenê wexto ke verê ci ra ravêrene fîtik cinêne ê zî tersî ra tehdît û hêriş kenê. Tersenê ke bi serewedaritişê şarî saltanatê înan bêro qedînayene. 15-16ê Hezîrananê neweyan ra tersenê. Qedîyayîşê feqîrîye ra, azadîya şarê kurdî ra, rijnayîşê zîndanan ra, destfînayîşê îqtîdarî yê şarî ra tersenê. Peyê desê tersanê înan de azadîya ma esta.''