Komîteya Rayberdişî ya Têgêrayîşê Şorişî yê Yewbîyayeyî yê Şaran (HBDH) derheqê çalakîya fedayîye de eşkerayîye daye û nê vatî:

“1ê teşrîna verêne de roja akerdişê meclîsî de Anqara de dekewtişê Mudirîya Pêroyî ya Asayîşê Wezîrîya Karanê Zereyî de çalakîya fedayîye ameye kerdene. Çalakîye hem seba hîşyarkerdişî bî hem zî seba ke Anqara de bîye, topyekun faşîzm hedef girwet. Na çalakîye  rayîrê xelisnayîşî yê şaranê Tirkîya û Kurdîstanî de çalakîya muhîm a. Na çalakîya ke resaye armancê xo tarîxê têkoşînê şaranê bindestan de verê ci aked ke do merhaleyê şorişgêrî yê muhîmî dahîna lezûbez bêrê rayraberdene. Faşîzmê AKP-MHPyî kerd ke na çalakîya şorişgêre sabote bikero, merdayanê xo binimo, bi qedexeyê weşanî kerd ke raştîyan binimo û tesîrê çalakîye kêm bikero. Rixmê nê astengkerdişan na çalakîya fedayî ya ke  merkezê Anqara de cayo ke dewlete xo tede tewr zaf asayîş de hesibnena, ameye kerdene sîstemê îşxal û talanî yê îqtîdarê faşîstî serûbin kerd.

Badê na çalakîya fedayîye îqtîdarê faşîstî hêrişê xo yê vera Rojawanî zêdînayî û dest pê hazirkerdişê hêrişanê bînan kerd. Îqtîdaro faşîst hêrişê her hetî keno, bi operasyonanê îşxalî keno xo sey hêzdarî ramojno. Bi îşxal, rant, talan û her qeyde sûcanê şerî kenê ke payra bimanê la çalakîya fedayî ya Anqara mojna ke îqtîdaro faşîst senî bêhêz o. Se kenê wa bikerî do meeşkê zehîfîya xo binimnê. Her çalakîya şorişgêre do şarê ma yê kedkarî serkewtişî rê dahîna nêzdî bikero.

Qirkerdişê vera kurdan, hêrişê îşxalî yê vera Kurdîstanî, zextê rejîmê faşîstî yê vera bindestan tim do wina dewam mekerê. Bi çalakîyanê şorişgêrean serkewtiş her roje bineya nêzdî beno. Hetê bînî ra rixmê zextan kuçeyan û koyan de têkoşîn xurtêr beno. bi çalakîya hemrayan Rojhat Zîlan û Erdal Şahînî têkoşînê şaran ê rayîrê azadîye xurtêr bi. Bi na çalakîye ame vengdayene ke wa têkoşînê şorişê yewbîyayeyî bêro xurtkerdene. Inkey wextê cewabbîyayîşê nê vengdayîşî yo. Wext wextê xurtkerdişê têkoşînî yo. Wextê ci ameyo ke derbeya peyênê bidîyo îqtîdarê faşîstî ro. Faşîzm têna ziwanê şerê şorişgêrî ra fam keno. Ma inkey bi ziwanê ci qisey bikerê. Ma şexsê hemrayan Rojhat û Erdalî de soz danê heme bêmerganê xo ke îqtîdaro faşîst do verê ma de çok bido û şarê ma yê bindestî do bibê azad.”