Komîteya Rayberdişî ya HBDHyî seba Endamê Konseya Fermandarîye ya HPGyî Sînan Dêrsim (Dalokay Şanli)yo ke 27ê teşrîna verêne ya 2020î de hêrişê hewayî yê dewleta tirke ya îşxalkere de şehîd bi mesajê serweşîye weşana.

HBDHyî vist vîrî ke Sînan Dêrsimî ronayîşê HBDHyî de ca girewt û HBDH de xeylêk wezîfeyî kerdî.

HBDHyî vat: ''Embaz Sînan sey fermandarê Şorişê Yewbîyayeyî tim peyê ê neweyî de bi tim gêrayêne ke çareyan bido meseleyan. Embaz Sînan pê pratîkê xo yê zengînî û zerrînizî, keda xo tim xîret kerd ke têkoşînê şorişê yewbîyayeyî aver bero. Ma verê vîrameyîşê embaz Sînanî de pê hûrmet û minetî milê xo anê war, şexsê ey de sond wanenê ke ma do hedefanê ci bîyarê ca. Ma do hewn û xeyalanê pêro embazanê xo yê bêmergan bîyarê ca û Şorişê Yewbîyayeyî ser bivisnê. Ma do seba vîrameyîşê Sînan Dêrsimî çalakîyan bikerê. Mewzîyanê gerîlayan de, koyan de, şaristanan de, çalakîyanê 1ê Gulane de, xoverdayîşê karkeran de, waranê şerî de embaz Sînan Dêrsim û tewirê ci yo şorişgêr do tim rayîrê ma roşnî bikerê.''