Komîteya Rayberdişî ya Têgêrayîşê Şorişgêrî yê Yewbîyayeyî yê Şaran (HBDH) bi wesîleya serrgêra Têkoşînê Gezî eşkerayîyêke daye û nê pare kerdî:

''7 serrî cuwa ver çalakîya dormeyî ya ke bi vengê sistî semedê ‘yew di daran‘ dest pêkerd raştê hêrişê polîsan ameye. Vera naye têkoşîn ame girdkerdene û hêrsê şarî sey cîqa adirî şewato gird vet ke hînî nîno hewnakerdene. No şewat kuçe-kuçe, bajar-bajar Îstanbulî ra heta Amed vila bi. Îqtîdaro ke şewatî ra terseno çend awe kerdo piro zî feyde nêkerd. Xora ê kila hewna bikerî zî terûm ra kila reyna do berz bena.

Ma qala Serewedaritişê Hezîrane kenê, Gezî kenê. Ma qala 1871î yo ke hetê 1848î ra û 1917î yo ke 1905î ra ameyî afernayene kenê. Ma qala meydanê cengî ke şarî pêrodayîşî musayî û wayîrê heqanê xo vejîyenê kenê. Gezî adirê serewedaritişî bi. Hêrso ke bi serrano beno pêser û waştişê azadîye xo pratîk de ramot. Heta têkoşînê barîkatî yê tarlabaşi yê 11ê hezîrane demê kilmî de tarîxêk ame nuştene ke bedelê 11 serran bi.

Çi heyf ke serewedaritiş rixmê heme îştîhamê xo yê bêhempayî yo ke nêameyo vînayene goreyê hedefêkî rayra nêame berdene. Kêmayîya têgêrayîşê şorişgêrî tîya de xo ramot. Xora nîno pawetene ke hela winayêne nişka bêro qedînayene.  Serewedaritişî xo dima heta 10ê teşrîna verêne demêk aferna. Prosesê weçînayîşê 7ê hezîrane de pirdê pabestbîyayîşê Serhildanê 6-8ê Teşrîna Verêne ronayî. Têgêrayîşê komelkî vete meydan ke tersê ci ra zanîyê dişmenî sey turê awe recîfyenê. Reyna netîceya kêmayîye ra no têgêrayîş bi qetlîam û terorê dewlete ame vilakerdene.

Terûmo ke hezîrane xo dima verda ewro metropolanê Kurdîstan û Tirkîya de beno gur. Hela ke wextê ci bêro no adir do narey îqtîdarî zî  bivêşno. Ewro karê ma oyo ke ma hezîrananê neweyan biafernê û birsnê 6-8ê teşrînanê verênan.Ganî ma  nê adirî  bikirişê heta zereyê keyeyê dişmenî.''