Endamê Komîteya Rayberdişî ya HBDHyî Tekîn Yoldaşî keyepelê înternetî yê HBDHyî de eşkerayîyêka bi vîdeo daye û eşkera kerd ke înan Hemleya  'Ma do faşîzm birijnê, azadîye bîyarê ca' daye destpêkerdene.

Qiseykerdişê Yoldaşî ra beşêk wina yo: ''Îqtîdaro faşîst her roje bindestan rê zulm keno. La vera naye ma her ca de alaya têkoşîn û xoverdayîşî berz kenê. Ma venga kedkar, bindest, cinî û ciwananê Tirkîya danê ke tewrê têkoşînî bibê. Ma wazenê vera faşîzmî têkoşînê şorişê yewbîyayeyî xurt bikerê, wayîrê çekanê xo vejîyê û alaya xo berzêr bikerê.

Nê esasî ser o her ca de ke ma tede yê, dest pê hemleya yewîya şorişgêre kenê. Îqtîdar mîyanê krîzê ekonomîkî de ho çin beno. Heta ke hêzê şorişgêrî yê yewbîyayeyî yew nêbê, nêvejîyê meydanan, faşîzmî ra hesab nêpersê faşîzm nêrijîyeno.

Ma venê Tirkîya û 4 parçeyanê Kurdîstanî de, Ewropa de faşîzm birijnê û azadîye bîyarê ca. No têna pê têkoşînî beno. Vera hêrişê topyekûnî ma zî dest pê xoverdayîşê topyekûnî kenê. Armancê ma nê yê ke ma pêro îmkanan bikerê yew û vera faşîzmî bi hawayêkê xurtî têkoşîn bikerê. 

Ma neçar ê ke şîarê 'Ma do faşîzm birijnê, serkewtiş bîyarê ca' bi xurtî biqîrê.''