HBDHyî Ulaş Adali yad kerd
Komîteya Rayberdişî ya HBDHyî Endamo ronayox ê Partîya Komuneran ê Şorişgêran (DKP) û Fermandarê Hêzanê Azadîye yê Yewbîyayeyî (BOG) Ulaş Adaliyo ke 3 serrî verê cû şehîd bibi, yad kerd.
Komîteya Rayberdişî ya HBDHyî Ulaş Adalşyo ke 21ê temmuza 2017î de şehîd bibi pê eşkerayîyêke yad kerd.
Eşkerayîya HBDHyî de nê çîyî ameyî vatene
''Embaz Ulaş Adali (Gokhan Taşyakan) 3 serrî verê cû şehîd bi. Embaz Ulaş Adali ciwanîya xo de tewrê têkoşînê şorişgêrî bi. Wexto ke Xoverdayîşê Kobanê dest pêkerd embaz Ulaş tewrê BOGî bi û vera DAÎŞî şer kerd. Kongreya DKP/BOGî de bi endam. Embaz Ulaşî xebatanê ronayîşê HBDHyî de wezîfe girewt û seba têkoşînî şi Herêmanê Pawitişî yê Medya.
Alaya têkoşînî yê Ulaşî destê gerîlayan de Tirkîya û Kurdîstan de berz bena. Ewro Têkoşînê Şorişê Yewbîyayeyî dewam keno. Gerîlayî koyan de, milîsî metropolan de xo ver danê.
Ma soz danê embaz Ulaş Adali ke ma do şorişê Tirkîya bîyarê ca û nê esasî ser o têkoşînê Şorişê Yewbîyayeyî her ca de xurt bikerê.''
