HDKyî qurbanê Qirkerdişê Zîlane yad kerdî

HDKyî qurbanê Qirkerdişê Zîlane yad kerdî û îfade kerd ke hîşmendîya tekpereste hema zî dewam kena.

Meclîsê Şar û Bawerîyan ê HDKyî pê wesîleya serrgêra Qirkerdişê Zîlane eşkerayîyêke weşanaye. Eşkerayîye de ame vatene ke rayîrê Qirkerdişê Zîlane pê îdamê Şêx Seîdî ame akerdene û Qirkerdişê Zîlane de bi hezaran merdimî ameyî surgunkerdene û qetilkerdene. 

Eşkerayîye de ame vîrvistene ke 13ê temmuza 1930î de Agirî de hêrişêko leşkerî dest pêkerd û di hewteyan de bi hezaran merdimî kişîyayî. HDKyî da zanayene ke derheqê Qirkerdişê Zîlane de o çax rojnameyan de amebi nuştene ke ''Gelîya Zîlane pê meyîtan pirr bîye.''

Meclîsê Şar û Bawerîyan ê HDKyî qurbanê Qirkerdişê Zîlane yad kerdî û eşkera kerd ke rixmê hîşmendîya tekpereste zî têkoşînê şarê kurdî do dewam bikero.