Hetkarê Hemserekanê HDPyî yê Karê Çapemenî, Weşan û Propaganda ra Berpirsîyar Tayîp Temelî bi wesîleya 'Roja Rojnamegeranê ke Xebitîyenê ya 10ê Çeleyî' eşkerayîyêke daye û îfade kerd ke ê wextêkê tarîyî de yê.

Temelî vist vîrî ke 10ê çeleyî de Qanûnê Çapemenîye ya bi Hûmara ya ke heqê rojnamegeran pawitêne kewt dewre coka ganî şert û mercanê normalan de ganî na roje sey roşan biameyêne fîrazkerdene.

Temelî vat: ''La heyf ke seba rojnamegêranê ke pê teda û zorbazîye dest pê 10ê çeleyê 2021î kerd, çîyêk çin o ke bêro fîrazkerdene. Ma wextêkê tarîyî de yê ke rojnamegerîye hînî tede mumkîn nîya. Rojnamegerî pê vêşanîye û tepiştişî yenê 'terbîyekerdene.' ''

Temelî bale ante ser ke Tirkîya babeta azadîya çapemenîye de mîyanê welatanê dinya de rêzê tewr peynî de ya û tewr zaf Tirkîya de tepişteyê rojnamegerî estê.

Temelî vat: ''Ma kedkaranê çapemenîye ke raştîye ser o şinê înan rê selam kenê.Seba ke 10ê çeleyî sey roşan bêro fîrazkerdene têkoşînê ma do dewam bikero.''