Vervatoxa Komîsyonê Multecîyan û Koçberan ê HDPyî Gulsume Agaoglu eşkerayîyêke weşanaye û seba heqanê multecîyan û koçberan venga her kesî da ke bi berpirsîyarî têbigêro.

Eşkerayîye de ame vatene, "îqtîdarê AKP-MHPyî koçberan û multecîyan sey hacetêkê şantajî û bazarîye xebitneno û na rewşe krîzê sîyasîyî kena pîlêr û bena sebebê pêlêkê pîlî yê koçberîye bibo."

Eşkerayîye de seba ke bazarîya gemarine ya derheqê koçberan de biqedê û vera polîtîkayê îşxalî û leşkerî yê îqtîdarî yê ke benê semedê koçberîye venga rayaumûmîya mîyanneteweyî ame dayene ke bi berpirsîyarî têbigêra. Heman wextî de vera ferasetê mêtinger, mîlîtarîst, nîjadperest, şerwaşteyî yê ke benê semedê koçê HDPyî venga hêzanê demokrasîyî ame dayene ke paştî bidê yewbînan.