Hemserekê Pêroyî yê HDPyî yê Komîsyonê Huqûqî û Heqanê Merdiman ra Berpirsîyar Umît Dedeyî derheqê tepişte Ahmet Bîlgîno ke zîndan de dinyaya xo bedilnaye de eşkerayîye daye.

Eşkerayîye de ame vîrvistene ke Ahmet Bîlgîn vizêr Zîndanê Boluyî de krîzê qelbî ra dinyaya xo bedilnaya û nê 3 mengan de 8 kesan zîndan de dinyaya xo bedilnaye.

Eşkerayîye de wina ame vatene: ''Nê mergî polîtîkayanê hukmatî ra cîya nîyê. Her çiqas dewlete pawitişê heqê cuye ra mesuldar a zî heqanê tepişteyan binpay kena, tepişteyan terkê mergî kena û zîndanan vurnena merkezê îşkenceyî. Dezgehê Tipê Edlîyî bi destê Îdareyê Heyetanê Çimdarîye tepişteyan rê korîdorê mergî viraşt.

Îqtîdaro ke welatî ver bi felaketan beno, zîndanî û welat wina kerdî ke merdimî nêeşkenê tede biciwîyê. Ma reyna eşkera kenê ke rayîrê caardişê edaletî pê vurnayîşê zîndanan beno. Ma reyna soz danê ke vera hêrişanê sîstematîlan ê vera tepişteyan ma do çarçewa huqûqî de ê kesan ra ke bîyê sebebê nê mergan hesab bipersê.''