Hetkara Hemserekan ê Pêroyîyan ê HDPyî Şazîye Kose derheqê Kod-29î eşkerayîyêke daye.

Eşkerayîye bi kilmî wina ya:

''Îtîfaqê AKP-MHPyî bi her hawayî cîyakerîye keno û tim verê xo dano sermaye.  Heqê cuye yê karkeran binpay keno û mekanîzmaya kolonyalîzmî visneno dewre. Karkerî tewr zaf pê bahaneya Kod-29î karî ra yenê vatene.
Goreyê qanûnî wexto ke wayîrê karî karkeran karî ra vejenê neçare yê ke mîyanê 10 rojan de sebebê karî Dezgehê Asayîşê Komelkî (SGK) rê eşkera bikerê. La pê 'Kod-29î' verê ney ame girewtene. Sermaye zî ney xo rê sey firsendêkî dî û nika Kod-29 vera karkeran sey çekêke xebitneno.

Goreyê doneyanê SGKyî 2020 de 176 hezar û 662 karkerî pê bahaneya Kod-29î karî ra ameyî vetene. Ma do heqanê karkeran bipawê, pîya xo ver bidê û têkoşînê xo rê dewam bikerê. Ma do teqez ser bikewê.''