Vervatoxê Komîsyonê Huqûqî yê HDPyî Umît Dedeyî û Cîhane Sîncar derheqê dewaya qirkerdişê Wekîlê DEPî Mehmet Sîncarî de merkezê HDPyî de kombîyayîşê çapemenîye kerd.

Dedeyî vist vîrî ke Mehmet Sîncar 1993 de amebi qetilkerdene û îfade kerd ke seba roşnîkerdişê nê qirkerdişî dewlete çîyêk nêkerd. Dedeyî vat: ''Dewa de têna yew tetîkkêş amebi tepiştene la dima o zî vera dîya. La nê qirkerişan ra selahîyetdarê ê çaxî zî mesuldar ê. Na dewa rîskê wextvîyartişî de têrî ya. Ma venga pêro pawitoxanê heqanê merdiman, huqûqnasan danê ke 14ê sibate de tewrê roniştişê na dewa yê Amedî bibê.''

Cinîya Sîncarî Cîhane Sîncar zî pare kerd ke Tirkîya de kurdan rê têna zîndanî û binê erdî yenê rewakerdene û vat: ''Kurdîstan de bi hezaran merdimî werteyê kuçeyan de ameyî qirkerdene. Bira wextvîyartişî zî vejîya ma do heta peynî têkoşînê xo rê dewam bikerê. Ma ganê xo danê la rûmetê xo do tim bipawê.''