Hetkarê Hemserekanê HDPyî yê Komîsyonê Heqanê Merdiman ra Berpirsîyar Umît Dede yî derheqê operasyonê qirkerdişê sîyasîyî ke vera partîye ci yenê kerdene de eşkerayîya nuştekîye daye.

Dedeyî  zanayene ke operasyonanê di rojanê peyênan ê ke sere de Îstanbul, Adana, Bursa, Kocaelî û Dîlok de ameyî kerdene zafê înan ciwanî 143 kesî ameyî destbendkerdene.

Dedeyî medyaya îqtîdarî rexne kerd û vat: ''Medyaya îqtîdarî zî sey tim xo sey mehkemeyan hesibna û aktîvîs û sîyesetmedarê sîvîlê ke ameyî destbendkerdene sey '21 terorsîtî ameyî destbenkderdene' hedef ramojnayî. Êyê ke Adana de ameyî destbendkerdene mîyan înan de di embazê ma yê avûkatî zî estê. Vera hêqê pawitişî her roje hêrişî zêdîyenê. Îqtîdarê AKP-MHPyî pê hê hêrişan keno tersê xo binimno. Îqtîdaro ke vano qey pê zextî ma rê peyser game dano eştene do vîn bikero.  Genî nê hêrişê bêhuqûqî  bêrê vindarnayene û embazê ma yê ke ameyî destbendkerdene bêrê cade bêrê verdayene.''